開箱文 - 新野菜主義

而家d人買新相機，新玩具就有開箱文去介紹一下自己的新玩具，我連即食碗麵都寫番篇開箱文，應該之前都無幾多個人咁做過．

家中有A小姐在日本出trip時所買給在下的新野菜主義即食碗麵．日本野，應該都ok好食．

打開個蓋之後，發現裡面所有野都係獨立包裝，包括麵都係，幾衛生．香港同台灣d大碗即食麵都應該要學下．

咁裡面究竟有d咩呢？原來有麵啦；有湯，真係湯，唔係湯粉；仲有d香草乾，裡面包乜野香草就真係唔知；有包古月粉；同埋有包濕的野菜，真係濕，並唔係脫水．

經過4分鐘，碗麵就食得喇，麵本身就唔好食，d湯仲叫做ok，但係d濕既菜就非常好食，包括：紅蘿蔔，白蘿蔔同埋竹筍，不過我唔食筍，總之兩種蘿蔔都好食到不得了．

多謝A小姐．